ریھان سسا

گڈی منزل ءِ مسافر

|

(مولابخش رئیسی ءِ گدار ’ گڈی منزل ‘ ءِ پدگوانک )

" ما ریل ءَ سوار نہ بہ ایں بلکیں اے ریل اِنت کہ مارا سوار بیت۔

ھمک آسنراہ (پٹٹری) ءِ چیردار ( سلیپر) مردمے، آئرش مردمے یا یانکی مردمے ( امریکی)۔ اگاں لھتے مردماں ریل ءِ سوار بیگ ءَ وشی رس ایت، بلے بُرے انچیں مردم ھم ھست کہ چہ ریل ءِ سواری ءَ درد ءُ رنجانی آماچ بہ اَنت۔ ‘‘

اے گپ نامی ئیں امریکی نبشتہ کار ھنری ڈیوڈ توریئو ءَ وتی کتاب ’ والڈن: یا دارانی تہ ءَ زندگی ‘ ءَ جتگ اَنت۔

ھنری ندکار، شھزانت، لچہ کار، ابرم زانت ءُ چاگردی شرگدارے اَت۔ ھنری ڈیوڈ ءِ نبشتانک ’ شھرمنندی نافرمانی ‘ ( Civil Disobedience) ھما نبشتانک اِنت کہ چہ ایشی ءَ موھن داس کرم چند گاندی ءُ مارٹن لوتر کنگ جونیئر رنگیں سیاسی راھشوناں رنگ زرت، اے نبشتانک سرجمیں جھان ءَ آجوئی ءُ مزدانک ( انصاف) ءِ زْرمبشتانی سکین ءُ دلبڈی اَت۔

وانوکانی چمشانک(0)

گیشتتر »

گوادر ءِ چیدگ

|

سید حسن کُڈ ( گوادر ءِ غار ) :

سید حسن کڈ ( گوادر ءِ غار ) چہ مروچیگ ءَ یک سد ءُ پنچ سال پیش (22 دسمبر 1920 ءَ) غار ءِ واجہ ءِ نام ءِ سر ءَ نامداریں سید ’ حاجی سید محمد حسن حسینی تبار ‘ ءَ جوڑ کنائینتگ۔

بلوچی زبان ءَ وتساچیں زیلاں ( غار) ، کڈ گْوش اَنت پمیشکا اے جاہ ءِ بلوچی نام سید حسن کڈ اِنت۔درامدانی واکداری ءِ زمانگ ءَ گوادر ءَ بلوچی نام گار ءُ گمسار بیتگ اَنت ءُ مردماں اے کڈ ھم غار گْوشتگ۔ مئے ھلک ءُ دمگاں کڈ زمین کمو کوچگ ءُ جوڑ کنگ بیتگ اَنت ۔ بلے بلوچستان ءِ کوھستگی ھلک ءُ دمگاں کوہ در روپگ ءُ کڈ جوڑ کنگ بیتگ اَنت ۔ دنیگت مئے نیمگ ءَ ڈگارانی سر ءَ کڈ جوڑ کن اَنت ، مرگانی شکاری ھم پہ وت کڈ ٹاھین اَنت بلے زمین ءَ سک باز جھل نہ جن اَنت۔ بازیں دمگاں کڈ الکاپیں بان ءُ لوگانی وڑ ءَ جوڑ کنگ بیتگ اَنت۔

وانوکانی چمشانک(0)

گیشتتر »

سیاسی سنّت ءُ بلوچ گلانی دْرشان شاپی

| بنگپ: ریڈیو مراگش:کازی دانک

سیاسی سنّت مئے کر ءَ نیکیں مستاگے رنگے ءَ سما کنگ بیت اَنچوش کہ کسے ءِ پْرشتگیں ھَڈے جوش بہ گیپت ، دو زھریں برات وشا ن بہ بیت ۔ سیاسی سَنّت کجام لوٹانی پد ءَ اَرزش دار اِیت ھما لوٹاں کس سھرا نہ کنت ، سیاست ءِ تہ ءَ کسے ابرمانکی ءُ کسے وشمنی بنیاد ءَ گپ جنت لھتے وتی جند ءِ واھگاں یک ڈَک سیاسی راھبند باور کنت، بلے ھمے سسایانی ھدابند ھم ’سنّت‘ءِ باندات ءَ سِتک دْرشانی کن

اَ نت۔ لس مردم ءِ چوناھیگا مستریں جیڑہ لس مردم بیگ اِنت ۔ ھما یاں کہ و ت ءَ وت گچینی بستار داتگ آ لس مردم ءِ چہ ھمے لس مردمے ءَ سوب چِنگ ءُ آیاں رمگ ءِ رنگ ءَ

وانوکانی چمشانک(0)

گیشتتر »

بلوچ سیاسی گلانی میان ءَ واکداری ءِ آمید

| بنگپ: ریڈیو مراگش:کازی دانک

سیاست ، پہ واکدار ی ءَ وتی توان ءِ گیش کنگ ءُ گوں ھما توان ءَ سرکار جوڑ کنگ ءِ نام اِنت ۔ پہ ایشی ءَ جھان ءَ جتائیں راھبند ھست کہ آیانی تہ ءَ اُستمانی ، آشوبی ءُ جنگی راھبند ھوار اَنت ۔ اُستمانی راھبندانی تہ ءَ ڈیھ ءِ واکدار یا مردمانی میان ءَ مُسامبندی یے بیت آ مسام بندی ءَ ڈیھ ءِ بُنکی راھبند گْوش اَنت ۔ آ راھبند ھمے پیم جوڑ کنگ بہ اَنت کہ مردماں پہ وتی سیاسی توان ءِ گیش کنگ ءَ پُرایمنیں راھاں آزادی بیت ، آزادی بیت کہ آ گپ جت کن اَنت ، گل جوڑ کرت کن اَنت ءُ سرکار ءِ سرءَ شرگداری یا آئی ءِ کرد ءِ بگیری ءَ زھرشانی کن اَنت ۔ ھر یک مردم ، ٹک یا گلے ءَ پہ یک بستگیں زمانے ءَ واکداری کنگ ءِ موہ دیگ بیت اَنچوش کہ آ ڈیھ ءِ راھبندانی پد ءَ گچین بہ بیت ۔ گچینکاری ھمک اُستمانی راھبند ءِ بنیاد اِنت ۔ اُستمانی راھبند ءِ منوگر ھمے راہ ءَ واکدار جوڑ بہ اَنت ءُ سرکار جوڑ کنگ ءَ پد وتی سیاسی

وانوکانی چمشانک(0)

گیشتتر »

پہ زْرمبش ءَ رسانکدر ءِ کرد

| بنگپ: ریڈیو مراگش:کازی دانک

ھرچ ھما ابزارے کہ آئی ءِ کمک ءَ گپ پہ مردماںءَ سر کنگ بیت ، رسانکدر گْوشگ بیت ۔ انیگیں زمانگ ءَ رسانک ءَ دیمروی کرتگ ءُ ما ھما تْرامدگاں رسانکدر گْوش اِیں کہ آ یک تْرام اِتگیں وڑے ءَ ھالاں یکجا کن اَنت ءُ پہ مردماں شکسا اَنت۔

رسانکدر دوبھر ءِ تہ ءَ اِنت ، چاپی ءُ الیکٹرونک ۔ چاپی رسانک ءِ تہ ءَ نسک ،روتاک ءُ تاکبند ھوار اَنت ۔ الیکٹرونک رسانک ءِ تہ ءَ ریڈیو ، ٹی وی ءُ انٹرنیٹ ھوار اَنت ۔

وانوکانی چمشانک(0)

گیشتتر »

زانشت چھرPseudoscience

| بنگپ: سساتْرانی

بلوچ راج ءِ بندگیءَ آیانی چاگرد ھم پدمنتہ کرتگ ، سنچ ءُ ساچ ، زنگءُ لنگ ءُ جند ءِ روش ءُ رند بے سماءُ بے بود ۔ اے بندگیں

چاگردءَ ھرچ کرد ءُ کارءِ ٹپاس گوں بے سیتیں لیکواں بیت، گوں ھما لیکواں کہ کسے ءَ پہ وتی سیت ءَ جوڑ کرتگ اَنت ءُ ھمایانی جار ھمے رنگ ءَ شکستاتگ کہ ھرچ اِش کُنوکیں گوش باور بہ کنت کہ آئی ءَ ھرچی اِش کرتگ آ راستی اِنت ۔مروچیگیں زانشتی دیمروی اِدءَ اَتکگ ءُ سر اِنت کہ زانتکار گْوش اَنت راستی نیست اَگاں ھست پہ کلھے ۔ آیانی اے گپ مانگیش اِتگیں گپے نہ اِنت کہ ما ایشی ءِ منارینگ ءَ تاکانی تاک سیاہ بہ کن اِیں ۔ ما وتی ھمروچیگیں زندمانی ءَ روچے گوں سداں چوشیں دروراں یا تو بہ گْوش گوں اَدارُکی راستیاں دو چار کپ اِیں :’’ تو گْوست ئے کور ءَ آپ ھست اَت ، ھمے ھال تر اگون اَت تو داں میتگ ءَ سربوت ئے کور آپ کُٹ اِت تو کہ ھما دمان ءَ ھمے ھالءَ گوں میتگ ءِ مردماں کنگ ءَ اَت ئے ھال راست نہ اَت بلے چندیں اَدار پیش کہ تو دیستگ اَت کور ءَ آپ ھست اَت ۔ ‘‘ھمے پیم مئے چم دیستگیں ھمروچیگیں ندارگ ھما کترھاں کہ ما گند ءُ گدار اِیں مَٹ بیان اَنت ۔

وانوکانی چمشانک(0)

گیشتتر »

بلوچ سنّت ماں تھاریں راہ ءِ رژنائیں ڈیوا

| بنگپ: بلوچ راجی سیاست

۱۸ نومبر ءَ بلوچ راجدوستیں گلانی راھشونانی نندگ ءِ ھال پہ بلوچ راج ءَ نیکیں مستاگے کہ آیاں مار اِتگ ابید چہ ھم سنّتی ءُ یکجائی ءَ بلوچستان ءِ آجوئی ءِ زْرمبش سوبمند بوت نہ کنت ءُ راج کہ دیمونی دیگ ءَ اِنت اے دیمونیانی گوں شکلیں سیتاں مٹ کنگ ءِ راہ ھم سنّتی اِنت ءُ دگہ ھچ ۔

گستائی ءُ تا پہ تائی مارا مان اَڑ ین اِیت ءُ مئے مان اَڑگ دژمن ءَ سیت دنتءُ مئے کہ سیت یک اَنت ایشاں وت ماں وت جنگ دنت جاھے ٹکی جیڑھانی نام ءَ ءُ جاھے گلانی جتائیں دیدانک مئے نسیلیانی سبب بیت کن اَنت ۔

وانوکانی چمشانک(0)

گیشتتر »

ستک ءِ پردگ ءَ رُستگیں ندارگ

| بنگپ: بانی نامک

موسم ساچان بہ بیت ءُ مردمے منی پیم بیروزگار ۔ گھتر ھمیش اِنت کہ لوگ ءَ سھب ءَ مھلہ یلو بہ دنت ءُ سوادجاھے ءَ بروت ۔تیوک ءَ روگ ءَ سوت اِیش اِنت کہ زندمانی ءِ بازیں جیڑھانی سرپد بیگ ءَ گوں وت دیوان کنگ ءِ موہ رس اِیت ،سنگتے ءِ ھمراھی زندمانیءَ شات میچین اِیت ۔ من ءَ گوں جیڑگاں مانگیشگ ءَ گل ءُ شادھی وشتر بیت بلے چوشیں سنگتے نیست اَت کہ آ وھدی منی ھمرا ہ بوتیں ، ما ھردو ءَ چَہ ورندجاھے ءَ کمیں زھگی وراک ءُ وردن زُرتیں ءُ پہ ترءُ تاب شتین اِیں ۔ من تیوک اَت آں ،پیژگاہ ءَ برات ءِ پَرپٹ ایر اَت بے تواری ءَ چَہ دروازگ ءَ ڈن کش اِت ،ککے جت ءُ دیم پہ کوہ ءَ۔

وانوکانی چمشانک(0)

گیشتتر »

بدنام

| بنگپ: بانی نامک

ملا وتی مزھبی دلیلا ں دنت بلے بازیں چیزاں شموشکار بیت پد ءَ ھم آئی ءِ دلیل پہ ناکوشاھو ءَ تچک ءُ توانا اَنت پرچا کہ ناکو ءِ دید آزمان گند اَنت ءُ زمین ءِ ھپتیں تبکاں ۔ بلے مھندس ابدل ھادی ءِ ستک اینکس پھتو نہ اِنت ۔
زیک آئی ءَ دربرجاہ ءِ لیبارٹری ءَ چُکاں لھتے بے رنگی ئیں شیشک چک ماں چک کُر تءُ پیش داشت کہ مئے سر ءِ نیلگونگیں آزمان ھچے نہ اِنت ۔
پَیری آئی ءَ نوکیں ھالے گون اَت کہ ناسا ءَ وتی پْراھگ (خلا)گولیں بالیگ کیورسٹی ماہ ءِ سر ءَ دیم داتگ ءُ آ چَہ ھمود ءَ ماں امریکا ءَ پہ ناسا ءِ بنجاھی کارگس ءَ اَکس دیم دیگ ءَ اِنت ۔
ناسا ءَ زیک جار جتگ کہ زیت مردم ءِ دومی گام مریکھ ءِ سر ءَ ایر بیت ءُ اے گپ ھم کہ سائنسدان گمان کنگ ءَ اَنت دہ کروڑ جھانانی تہ ءَ الم انچیں دگہ سیارگ ھم ھست کہ اُود ءَ زندگی بیت ءُُ آ روچ دُور نہ اِنت کہ مردم دست ءَ آزمان ءَ ٹال کن اَنتءُ گْوش اَنت کہ اِیش اِنت ھما سیارَگ کہ اد ءَ ھم دگہ ساھدار زندگی کنگ ءَ اَنت ۔۔۔۔۔۔زمین ءِ ھپتیں تبک پہ آئی ءَ دہ کروڑ تبک اَنت کہ کائنات ءَ تالان اَنت ۔
’’ جھان ءَ بہ چار ھاوند ءَ ھپت آزمان ءُ ھپت زمین چُوں جوڑ کُرتگ اَنت ۔۔۔؟‘‘
چَہ ملا ءِ اے گپءَ ناکو شاھو سر ءَ پہ شاتکامی چنڈ اِیت ، ٹِکگ ءَ تزبیھ ءِ دانگے دور دنت ءُ چَہ دل ءِ جھلانکی ءَ ’’ سبجان اللہ ۔۔۔۔۔۔‘‘ گْوش اِیت ۔

وانوکانی چمشانک(0)

گیشتتر »

ایوکی ءَ چُنک جتگ زمین جنگل اِنت

| بنگپ: بانی نامک

مردم ناسرجم اِنت اگاں تایے بہ بیت ۔ ’’ ھدا ھم تیوک ءَ ترسگ اِتگ پمیشکا دگہ ساھدار ئِے ودی کرتگ بزگیں مردم ءِ میار چی اِنت ‘‘ منی جیڑگ سرجم نہ اَت کہ یکے ءَ منی گوش ءَ ھلو ت کرت ، من چار اِت اُوتاک ءَ ابید چَہ من ءَ کس نیست اَت راھرو ءَ چک ٹی وی چارگ ءَ اَت اَنت ، کارٹونانی تاب دپیں توار اَت ، یکے گْوشگ ءَ اَت : ’’ بہ گر باگار ءَ دمب ءَ ئِے گڈ ، نہ ھل ئے کہ بروت ، یا منی ھدا ! تو چی کرت باگار اگاں آپ ءَ بروت واگویے جوڑ بیت ، واگویے ..............‘‘ من دریگ پچ کرت ، کروسے گوں چیپکءَ گپ ءَ اَت ، چیپک ءِ چم چَہ ترس ءَ ڈن ءَ لوجان اَت اَنت ۔انسان ءِ گمانءَ ھم واک مان اِنت چونیں ھیال جیڑ اِیت ، من دریگ بند کرت ۔

’’ پرچا مردم ءَ پہ وتی شاتکامی ءَ گال ءُ کسہ دوست بَہ اَنت ؟‘‘ اے ھم اجکہ کنیں ھیالے اَت : چک کارٹون چار اَنت ، گل بَہ اَنت ءُ آھانی ھاٹیگ ءُ توان گیش بیت ،مزنیں مردماں دیوان ءُ سنگتانی ھمراھی ءَ وشی ءُ چاڑرَس اِیت ۔

وانوکانی چمشانک(0)

گیشتتر »

اَتاشات ، زبان ءُ سیاھگ

| بنگپ: شرگداری

بلوچی داستانی لچہ کاری بلوچی گیدی ندانک ءِ نام ءَ زانگ بیت بلے اگاں داستانی یا گْوشتھی ندانک گستا کنگ ءُ نبشتھی ندانک ءِ زمانگ بلوچی ندانک ءِ بنداتی زمانگ شُمار کنگ بہ بیت گڑا سیدھاشمی، گل کان نسیر ءُ اتاشات بلوچی ندانک ءِ سئے مستریں کُتگ اَنت کہ آیاں بلوچی ندانک ءَ وتی مزنیں سانے اِشتگ، بلوچی زبان ءِ وش بھتی اِنت کہ آئی ءِ نبشتھی ندانک ءِ بندات چوشیں پھتوئیں سرانی سروگانی ءَ بیتگ.

چوش ھم نہ اِنت کہ اے سئے ئیں کماشاں پیش یا ایشانی زمانگ ءَ دگہ کماشانی کرد ءُ کار نیست اَنت، ایشانی زمانگ زانت ءُ آگاھی ءِ آشوبی یے اَت بلے زمانگ ءِ گچین ھمینکس نز بَہ اِت اے سئے ئیں واجہ گوں وتی سھرائیں رنگ ءَ زانگ بَہ اَنت .

وانوکانی چمشانک(0)

گیشتتر »

دلوت کدگ ءِ آشوب

| بنگپ: نامگانی وانشت

" درسیں دلوت برابر اَنت بلے لھتے دلوت چَہ آ دگراں گیشتر برابر اِنت. "
آشوب ءَ پد پاکیں دیوال ءَ نبشتگیں آشوب ءِ پاکیں راھبند گوں اَنچیں رِپکے ءَ مَٹ کنگ بوت اَنت کہ پَشت کپتگیں پیر ءُ نزوریں آشوبکار ھم دو دلگ بوت اَنت کہ باریں راھبند مَٹ بیتگ اَنت یا آیانی یاداشت کُنٹ بیتگ.

وانوکانی چمشانک(0)

گیشتتر »

اَدار زندمان چَران اِنت !!!

| بنگپ: بانی نامک

(بانی نامک )

بھمانگیں گپانی سرءَ جیڑان، نبشتانکانی نوکیں دْرچے پہ بلوچی ءِ ھما وانوکاں کہ دستونک ، سوت ، آزمانک، گْوستانک ، رونبشت ءُ رم لچہ ءَ دیمتر وانگ لوٹ اَنت ۔ اُمیت کن آں اے دْرچ ھم شمارا چوش ’’ شئے پھوال ‘‘ ءَ دوست بیت ۔

دلگوش : بانی ءِ کارست ءَ گوں راستی ءَ سیادی نیست ،ھمے پیم دگہ کارست ءُ داستان ھم وتساچ اَنت ۔

کازی داد مھمد ریھان
*

بیت کنت انسانے روچ ءَ چنک ءَ بہ کنت بلے اَدار دارگ نہ بیت ________ نوکیں گپے نہ اِنت بلے برجمی ھچ چی ءَ نیست ، بزاں اَدار ھم دارگ بیت یا بیت کنت بہ بیت بزاں داں اَنیگ ءَ چوشیں ھاٹیگے انسان ءَ مان نیست ۔ منی مَن اِیش اِنت ادار ءِ دارگ چَہ روچ ءِ چنک ءَ کنگ ءَ ھم گْرانتریں کارے ۔دومی گپ کہ من گْوشت آئی ءَ شوھاز مہ کن وت ئِے گْوش آں ’’ انسان ءِ دپ ءَ برجمیں گپ دَر نہ اِت ، اَدارُکی راستی اَنت کہ ھزار سال ءَ پد دورگ بَہ اَنت یا دمان ءَ گمانی راستی دروگ بَہ اَنت ۔‘‘ مئے چاگردءَ بے کساس دَروَر ھست مستریں سائنسی درور اِیش اِنت کہ داں گوستگیں کرن ءِ دومی دھک ءَ سائنسدان منوک اَت اَنت ’’ مادہ ءِ کستریں بورانک ایٹم اِنت کہ بِھ پروشگ نہ بیت ‘‘ بلے نی نودربر ھم زان اَنت کہ ایٹم پروشگ بیت ۔

وانوکانی چمشانک(0)

گیشتتر »

بنرھبند: بلوچی زبان ءَ کارمرد بیوکیں سرجمیں گالانی تھربندی

| بنگپ: بلوچی بنرھبند

پی ڈی اِیف آنلاین ڈاونلوڈ
بلوچ گال تَھرانی چارٹ ناٹپاسی آنلاین ڈاونلوڈ
سرجمیں پایل ۔ ان پیج ۔ ایم ایس ورڈ ۔ پی ڈی ایف

وانوکانی چمشانک(0)

گیشتتر »

ازم ،ساچشت ،شرگدار ءُ داد

| بنگپ: شرگداری

وانگی دو بھر ءَ اِنت، کسھی لوزانک ءُ مانا ءِ شوھاز

بلوچی زبان ءَ نوشتاری زبانے ءِ بستار ءَ مزنیں زبانے مہ زان اِت ، ھمیش اِنت کہ نوک نوشتہ بوگ ءَ اِنت ۔لچہ کاری ھر چ زبان ءِ ندّانکءِ بن چمگ اِنت کہ چَہ آاُود ءَ آپ وارتگیں اے گلستان رنگ ءَ رنگ بیت ۔لچہ کاری ءِ تہ ءَ کارمردبیوکیں چھرءُ شبیناں کشکے کشت کہ اِد ءَ سرگیپتگیں نوشتہ کار ندّانکءَ گوں انسانی چاگرد ءَ سیت مندتریں رنگےءَ بندوک کنگ ءِ نیمون ءَ چَہ لچہ ءَ آزات تریں تھرے ءِ نیمگ ءَ اَتک اَنت ، آئی ءَ ردانک ءِ نام دیگ بوت ۔چوناھیا کولرج ءَ گْوشتگ :’’ لچہ کاری ءِ چپ ردانک نہ اِنت بلکیں سائنس اِنت ۔‘‘ بلے بندر ءَ چوش نہ اِنت ردانک چَہ لچہ ءِ بند ءُ تنگاں پمیشکا در اَتک کہ آئی ءَ اے راھبند دوست نہ بوت یا نوشتہ کاراں مار اِت کہ نی لچہ کاری نوشتہ کاری ءِ سائنسی لوٹاں پیلو نہ کنت ، اگاں کولرج ءِ ھبر ءِ مراد ھمیش اَت گڑا گوں آئی ءَ تپاک آں بلے کولرج ءِ بنگپ ردانکی لچہ اَت ۔

پی ڈی ایپ ایرگیج

چوش کہ ما ردانک ءَ لچہ ءِ سرءَ شرگداری سرپد نہ بَہ اِیں بلکیں آئی ءَ وت من اِتگ ءُ توانمندیں تھرے زا ن اِیں بلے مئے نز ءَ شرگداریءَ وت ءَ جاہ ءُ ھند نیست بلکیں آ دگہ ساچشتی تھرانی دلبند ءَ اُوشتاتگ ، گڑا اِے پیمءَ لچہ ءِ زمین ءَ رُستگیں ردانک ھم چَہ وت ھچے نہ اِنت؟ وانوک زان اَنت کہ ایشی ءَ کس راستیں ھبرے نہ من اِیت بلے منی نز ءَ ردانک لچہ ءِ سر ءَ ساچشتی شرگداری اِنت ۔ھما بنداتی مردم ءَ کہ لچہ دوست نہ بوت، ھمائی ءَ ردانک ءِ بن ھشت ایر کرت ۔

وانوکانی چمشانک(0)

گیشتتر »

نوکیں ساھدارے ودی بوت ، بانی نامہ

| بنگپ: بانی نامک

بھمانگیں گپانی سرءَ جیڑان، نوشتانکانی نوکیں درچے پہ بلوچی ءِ ھما وانوکاں کہ دستونک ، سوت ، آزمانک، دپتر ،

رونوشت ءُ رم لچہ ءَ دیمتر وانگ لوٹ اَنت ۔ اُمیت کن آں اے دْرچ ھم شمارا چوش ’’ شئے پھوال ‘‘ ءَ دوست بیت ۔
دلگوش : بانی ءِ کارست ءَ گوں راستی ءَ سیادی نیست ،ھمے پیم دگہ کارست ءُ کسہ ھم وتساچ اَنت ۔

*********************

وانوکانی چمشانک(0)

گیشتتر »

شئے پھوال کسہ کار اِیت

| بنگپ: شئے پھوال

پیشدانک :

گلیں وانوکاں ! ’’شئے پھوال ‘‘ءِ کرد چہ مروچیگی ءَ ھپت ھشت سال پیسر کہ من نوک بلوچی وانگ ءُ نبشتگ بندات کرت ، منی ھیال ءَ اتک ۔ بُندر ءَ پہ ایشی ءَ من ’’دومی مردم‘‘ ءِ نام کار مرد کرت کہ منی نوشتانکانی تہ ءَ کہ اِت ءُ منی بدل ءَ ا یرا د گیپت بلئے آروچاں اے کرد اینچک پھتو ءُ پزور نہ اَت کہ چہ منی ھیالاں دربَہ اَتک ءُ تاکانی تہ ءَ نکش بوت اِنت ۔ وھد گوزان بوت اُردو زبان ءَ چوش لشکر ءَ منی سر ءَ اُرش کنان من ءَ چہ بلوچی لوزانک ءَ گستا کرت ۔ بہ گند ئے گلزمین ءِ مرو چیگیں جاور ھم ھمیش اَنت کہ مئے لوزانک ھم گلزمین ءِ اھوالکاری بہ کنت بلے اے ھبر ءِ سرءَ ما باید بہ جیڑ اِیں کہ مئے اھوالکاری زبان پرچا بلوچی بوت نہ کنت ۔ اے مئے نابودی اِنت کہ بلوچی زبان چہ اُردو ءَ کوھن تر بوگ ءَ ابیدھم پہ ما لُک بوتگ ءُ آئی ءِ گال مارا دست نہ دئے اَنت ءُاُردوءَ ماانچوش کارمرد کنگ ءَ اِیں کہ گْوش ئے مئے ماتی ءُ راجی زبان اِنت ۔ من ءَ ھم چوشیں بود نیست اَت کہ وت ءَ چہ اردوءَ کمے گستا بہ کرت اِنت بلے جمیل امام ءَ مدام ٹوھینتگ کہ ما باید بلوچی ءَ ھم نوشتہ بہ کن اِیں کہ مئے جند ءِ زبان اِنت ۔ بلکیں کول اُستاد عبدالمجید گوادری

وانوکانی چمشانک(0)

گیشتتر »

سبسکرائب کریں در: اشاعتیں (Atom)